Don't Miss
樂視直播歐國盃 收費最平249元
By 信報財經新聞 on May 19, 2016
原文刊於信報財經新聞
四年一度的歐洲足球國家盃將於下月10日開波，來自內地的樂視體育昨天宣布取得香港區播放權，將直播全部51場賽事，球迷可透過網站、手機程式或電視機頂盒收睇。網上和手機播放的收費最平，只需249元便可睇足51場波；若想在客廳大電視睇波，就要購買機頂盒，作價599元，包睇歐國盃，再送3個月娛樂頻道。
聘本地薑廣東話講波
有球迷擔心，樂視體育來自內地，會否用普通話講波，以及使用「後腰」、「點球」、「出彩」等內地術語？該公司的高級收費業務總監張志成就大派定心丸，強調「一定冇煲冬瓜」，還特地請來蔡育瑜、何輝等港人熟悉的評述員講波。
被問及播放權價錢，張志成笑稱「肯定係貴啦……唔好講呢啲」。不過，樂視體育的播放權並非獨家，事關電盈（00008）旗下nowTV早前亦已宣布，將全程直播今屆歐國盃，以及下月3日開波的美洲國家盃，客戶可用「套餐價」700元睇晒兩大盃賽，今個夏天肯定好波連場。
支持EJ Tech
如欲投稿、報料，發布新聞稿或採訪通知，按這裏聯絡我們。
