Don't Miss
矽谷劏豬凳
By 老占 on May 9, 2016
雅虎行政總裁Marissa Mayer（維基百科圖片）
上世紀八十年代，有一套電影名為《小生怕怕》，女主角鄭文雅先後同咗三個男人結婚，第一個係電影明星姓鄧，姜大衛飾演；第二個係黑社會大佬，「大口青」王青飾演；第三個係牧師，黃百鳴飾演。三任老公先後意外死亡，佢哋嘅魂魄匿喺把油紙遮處，曾志偉一路帶佢哋去鬼王廟，一路不斷嗌住三人嘅姓：「湯朱鄧」、「湯朱鄧」，畀個啱啱喪夫嘅老婦聽到，以為話緊佢「劏豬凳」，所謂「劏豬凳」，就係剋夫。舊時豬肉佬包辦養豬、劏豬、賣肉。有張凳係劏豬時專用，行內稱為「劏豬凳」。
白雪雪嘅肥豬，一旦畀人抬上張凳，就死期到矣。於是乎，想像力豐富者將命硬女人比作「劏豬凳」，而同佢結婚嘅男人就係隻豬，當個男人同女人行埋，就命不久矣，「佢啊，正一劏豬凳嚟㗎！」
Marissa Mayer自擔任雅虎CEO，進行了40多宗眼花繚亂的收購，引發董事會一片批評，這些併購對於扭轉Yahoo頹勢幾乎毫無作用。2013年，雅虎花11億（美元．下同）購買Tumblr，這金額超過了2012年FB收購Instagram的10億。
「劏豬凳」說：我們一定不會把它搞砸。大家還以為雅虎能夠靠Tumblr吸引年輕用戶。隨後幾年，Tumblr收入和使用者成長令人失望，社交人氣遠不如Instagram、Snapchat、Pinterest等社交「當紅炸子雞」，Tumblr也被稱為Yahoo迄今為止最失敗的收購。
雅虎最新財報裏，Tumblr估值下降了2.3億，跌幅達23%。雅虎股價一度高達475美元歷史高位。「劏豬凳」帶領下，目前股價得番27蚊，市值只得258億左右，如果減掉Baba和日本雅虎的股票，今天雅虎主業的市值是負數。
更多老占文章：
支持EJ Tech
如欲投稿、報料，發布新聞稿或採訪通知，按這裏聯絡我們。
